وفاقی وزیر دفاع خواجہ آصف کی جانب سے اہم ترین بیان سامنے آیا ہے جس میں ان ککہن ہے کہ ملک ڈیفالٹ ہو چکا ہے. ان کا مزید کہنا تھا کہ اسٹیبلشمنٹ، بیورو کریسی اور سیاستدان سب مل کر موجودہ حالات کے ذمہ دار ہیں.
سیالکوٹ میں ایک تقریب سے خطاب کے دوران وفاقی وزیر دفاع خواجہ آصف کا کہنا تھا کہ آپ نے سنا ہوگا، پاکستان دیوالیہ ہو رہا ہے۔ پاکستان دیوالیہ ہو چکا ہے۔ یہ بات انہوں نے زور سے کہی. کا مزید کہنا تھا کہ ہم ایک دیوالیہ ملک میں رہ رہے ہیں. ہمارے لئے مستحکم ہونے کے لیے اپنے پاؤں پر کھڑا ہونا ناگزیر ہے۔ ہمیں درپیش مسائل کا حل ملک کے اندر ہی ڈھونڈنا ہے. ان کا مزید کہنا تھا کہ آئی ایم ایف کے پاس پاکستان کے مسائل کا حل نہیں ہے. موجودہ ملکی حالات کے ذمے دار اسٹیبلشمنٹ، بیورو کریسی اور سیاستدان سب ہیں. کیونکہ پاکستان میں آئین اور قانون پر سمجھوتا کیا جاتا رہا ہے.
اپنے خطاب میں انہوں نے سابقہ حکومت پر تنقید بھی کی. ان کا کہنا تھا کہ ڈیڑھ دو سال قبل دہشت گردوں کو خود یہاں لاکر بسایا گیا. جس کا نتیجہ یہ نکلا کہ دہشت گردی ہمارا مقدر بن گئی ہے اور اس پر جس نے آواز اٹھانے کی کوشش کی، اسے ملک سے نکال دیا گیا۔
