پاکستان ٹائم سٹاف رپورٹر کے مطابق وفاقی وزیر احسن اقبال کی جانب سے ملک کے مشکل معاشی حالات میں ایک احسن قدم اٹھایا گیا ہے. تفصیلات کے مطابق وفاقی وزیر احسن اقبال کی جانب سے لگژری لینڈکروزر وی ایٹ حکومت کوواپس کر دی گئی ہے.
پاکستان ٹائم کے مطابق موجودہ معاشی حالات کے پیش نظر حکومتی وزراء نے اقدامات شروع کردیے ہیں. وزیر منصوبہ بندی احسن اقبال نے اس میں پہل کرتے ہوئے لگژری لینڈکروزر وی ایٹ حکومت کوواپس کر دی گئی ہے.
مزید تفصیلات کے مطابق وفاقی وزیر منصوبہ بندی احسن اقبال نے اپنی 4500 سی سی گاڑی واپس کرکے اخراجات پر قابو پانے کیلئے 1800 سی سی گاڑی استعمال کرنے کا فیصلہ کیا ہے. اس حوالے سے ذرائع نے بتایا ہے کہ انہوں نے اپنی گاڑی کابینہ ڈویژن کو واپس بھجوا دی ہے. احسن اقبال کا اس اقدام کے متعلق کہنا ہے کہ معاشی حالات کی وجہ سے حکومت سخت اقدامات کرنے پر مجبور ہے، عوام تباہ حال معیشت کی وجہ سے اضافی بوجھ اٹھا رہے ہیں۔ میں بذات خود مہنگی دیکھ بھال اور زیادہ پٹرول کھانے والی گاڑیوں کی بجائے چھوٹی گاڑی کو ترجیح دیتا ہوں۔
خیال رہے کہ اس سے قبل مسلم لیگ ن کے وفاقی وزراء کی طرف سے حکومت سے تنخواہیں نہ لینے کا فیصلہ بھی کیا گیا ہے
