پاکستان ٹائم شوبز رپورٹر کے مطابق پاکستانی سجل علی نے کہا کہ عورت کو مکمل ہونے کے لئے مرد کی ضرورت نہیں ہے۔
تفصیلات کے مطابق پاکستانی اداکارہ سجل علی نے اپنی ایک تازہ انٹرویو میںکہا ہے کہ میں اپنی زندگی سے بہت خوش ہوں اور محسوس کرتی ہوں کہ میں مرد کے بغیر بھی مکمل ہوں۔ ان کا مزید کہنا تھاکہ اپنے چاہنے والوں سے اس قدر پذیرائی اور پیار ملتا ہے کہ کبھی ایسا محسوس نہیں ہوتا کہ زندگی میں کوئی مرد ہونا لازمی ہے۔
اپنی انٹرویو میں سجل علی کا مزید کہنا تھا کہ پاکستانی معاشرے میں چھوٹی سی عمر میں لڑکیوں کے دماغ میں یہ بات بٹھا دی جاتی ہے کہ ایک خاص عمر میں شادی ضروری ہے، ہمارے معاشرے کو اس سوچ کو بدلنے کی ضرورت ہے۔ شادی کرنے سے لڑکی کی زندگی محدود ہو جاتی ہے، اور وہ ایک ڈبے میں بند ہو جاتی ہے۔
