پاکستان ٹائم کے مطابق وزارت داخلہ کی جانب سے 3 ریٹائرڈ ججز سے سکیورٹی واپس لے لی گئی ہے۔ ان ججز میں سپریم کورٹ کے 2 سابق چیف جسٹس اور ایک جج شامل ہیں۔
تفصیلات کے مطابق چیف جسٹس میاں ثاقب نثار، سابق چیف جسٹس آصف سعید کھوسہ اور جسٹس (ر) عظمت سعید شیخ سے رینجرز کی سکیورٹی واپس لی گئی ہے،۔ ان ججز صاحبان کو پاناما لیکس اور دیگر اہم کیسوں کے فیصلے دینے کے بعد رینجرز کے سکیورٹی فراہم کی گئی تھی۔
خیال رہے کہ جسٹس ثاقب نثار 31 دسمبر 2016سے 17 جنوری 2019 تک چیف جسٹس آف پاکستان کے عہدے پر فائز رہے ہیں جبکہ ان کے بعد جسٹس آصف سعید کھوسہ نے 18 جنوری سے 20 دسمبر 2019 تک بطور چیف جسٹس ذمہ داریاں نبھائیں، جسٹس (ر) عظمت سعید شیخ سپریم کورٹ کے جج رہے ہیں۔
