نقیب اللہ کیس میں بری ہونے والے راو انوار کو بڑا جھٹکا، ایسا کام ہو گیا کہ سابق ایس ایس پی کی پریشانی بڑھ جائے

کراچی(کورٹ رپورٹر)رواں سال 23جنوری کو ہائی پروفائل نقیب اللہ قتل کیس میں بری ہونے والے سابق پولیس آفیسرراو انوار اور دیگرکی بریت کے خلاف سندھ ہائی کورٹ میں اپیل دائر کردی گئی۔
”پاکستان ٹائم “ کے مطابق ہائی پروفائل نقیب اللہ قتل کیس میں ایک بار پھر اہم پیش رفت سامنے آئی ہے،کیوں کہ چند روز قبل ہی اس کیس میں بری ہونے والے سابق ایس ایس پی ملیر راو انوار اور دیگر کی بریت کے خلاف سندھ ہائی کورٹ میں اپیل دائر کر دی گئی ہے۔سابق ایس ایس پی راو انوار اور دیگر کی بریت کے خلاف اپیل مقتول نقیب اللہ کے بھائی شیرعالم کی جانب سے جبران ناصر ایڈووکیٹ کے توسط سے دائر کی گئی ہے،جس میں استدعا کرتے ہوئے موقف اختیار کیا گیا ہے کہ انسداد دہشت گردی عدالت نے ملزمان کو بری کر کے شواہد کو نظر انداز کیا ہے،انسداد دہشت گردی عدالت کے فیصلے کو کالعدم قرار دیا جائے۔واضح رہے کہ کراچی کی انسداد دہشت گردی عدالت نے نقیب اللہ قتل کیس کا فیصلہ 23 جنوری 2023 کو سنایا تھا،عدالت نے عدم شواہد کی بناء پر راو انوار سمیت 18 ملزمان کو بری کر دیا تھا۔