اسلام آباد(کورٹ رپورٹر) سپریم کورٹ آف پاکستان نے سفارتی سائفر کی تحقیقات کے لئے اپیلیں سماعت کے لئے مقرر کردیں۔
”پاکستان ٹائم “ کے مطابق جسٹس قاضی فائز عیسیٰ 22 فروری کو اپیلوں کی ان چیمبر سماعت کریں گے، اپیلیں ایڈووکیٹ ذوالفقار بھٹہ، سید طارق بدر اور نعیم الحسن نے دائر کی تھیں۔اس سے قبل رجسٹرار سپریم کورٹ نے اپیلیں پر اعتراض عائد کیا تھا جس کے بعد رجسٹرار آفس کے اعترضات کے خلاف چیمبر اپیلیں دائر کی گئی تھیں۔واضح رہے کہ جسٹس سردار طارق مسعود کی اپیلوں کی سماعت سے معذرت پر چیف جسٹس عمر عطا بندیال نے اپیلیں جسٹس قاضی فائز عیسیٰ کو بھجوائی تھیں۔یاد رہے کہ عمران خان کی حکومت ہٹانے کے خلاف درخواست دائر ہوئی تھی جس پر رجسٹرار نے اعتراض لگایا تھا۔
