نئی دہلی(مانیٹرنگ ڈیسک)بھارتی حکومتی جماعت بھارتیہ جنتا پارٹی(بی جے پی) کی عسکری ونگ ہندو انتہا پسند تنظیم راشٹریہ سویم سیوک سنگھ( آر ایس ایس) نے بھی نریندرا مودی کو گجرات فسادات کا ذمہ دار قرار دیتے ہوئے گھر کے بھیدی نے ہندوستانی وزیر اعظم پر لنکا ڈھا دی ہے۔
”پاکستان ٹائم “ کے مطابق عالمی میڈیا کے بعد اب بھارتی حکومتی جماعت بھارتیہ جنتا پارٹی کا عسکری ونگ”آر ایس ایس“ بھی گجرات فسادات میں مودی کے ملوث ہونے کا اعتراف کررہا ہے۔رپورٹ کے مطابق مودی کی جماعت بھارتیہ جنتا پارٹی اور آر ایس ایس کے مابین تنازعہ شدت اختیار کر گیا ہے اور ہندو انتہا پسند تنظیم نے بھی مودی کو گجرات فسادات کا ذمہ دار قرار دے دیا ہے۔ہندو انتہا پسند تنظیم”آر ایس ایس “کے سربراہ ادھو ٹھاکرے کے مطابق اس وقت وزیر اعظم اٹل بہاری واجپائی نے گجرات فسادات میں مودی کو راج دھرما نبھانے کا حکم دیا تھا اور ہدایت کی تھی کہ مودی اپنی قانونی اور اخلاقی ذمہ داریاں پوری کریں جبکہ 2004 کے انتخابات میں شکست پر مودی سے استعفیٰ بھی طلب کیا تھا۔ادھو ٹھاکرے کے مطابق بال ٹھاکرے نے مودی کو سیاسی کیرئیر بنانے میں اہم کردار ادا کیا اور بال ٹھاکرے نے ہی واجپائی کو مودی کے استعفیٰ کے مطالبے سے ہٹنے پر مجبور کیا،اگر بال ٹھاکرے نہ ہوتا تو مودی وزیراعظم نہ بنتا،آج بی جے پی ہندو توا کے نظریے سے پیچھے ہٹ گئی ہے۔
