کراچی(ویب ڈیسک) کراچی پولیس آفس پر حملے کی تحقیقات میں اہم پیشرفت سامنے آئی ہے، تحقیقات کے مطابق حملہ آوروں کا ہدف چوتھی منزل پر پہنچنا تھا اور وہاں اپنی پوزیش سیٹ کرنا تھا۔
”پاکستان ٹائم “ کے مطابق تحقیقات حکام کا کہنا ہے کہ حملے کے وقت کراچی پولیس آف میں 25 افراد موجود تھے ، تمام 25 افراد کے بیان لے لیے گئے ہیں، عمار ت میں آکر حملہ آوروں نے لفٹ کو دستی بم پھینک کر ناکارہ بنایا، فائرنگ کے بعد تمام افراد دوسری منزل کی طرف بھاگے ،دوسری منزل پر دہشتگردوں اور عملے کے کچھ افراد کا سامنا ہوا، حملہ آوروں نے عملے کو کمروں میں رہنے کا اشارہ کیا۔
رپورٹ کے مطابق حملہ آور کے پی اوکے کوریڈور میں موجود رہے ، دہشتگردوں نے عملے کے کمروں میں جانے کے بعد دروازوں پر فائرنگ کی دہشتگرد مختلف کمروں کے باہر عملے کو آوازیں بھی دیتے رہے ، دہشت گرد سیڑھیوں سے اوپری منزل کی طرف گئے ، اہلکار فائرنگ کے تبادلے کے دوران شہید ہوئے۔
