اسلام آباد(سٹاف رپورٹر)توشہ خانہ کیس کی تحقیئقات کے لئے قومی احتساب بیورو(نیب) نے سابق وزیر اعظم اور پاکستان تحریک انصاف(پی ٹی آئی) کے چیئرمین عمران خان کو طلب کر لیا۔
”پاکستان ٹائم “ کے مطابق نیب اسلام آباد کی جانب سے عمران خان کوتوشہ خانہ کیس میں طلبی کا نوٹس جاری کردیا گیا۔عمران خان کو 9 مارچ کو طلب کیا گیا ہے۔نیب طلبی کا نوٹس چیئرمین پی ٹی آئی کی زمان پارک والی رہائش گاہ اور چک شہزاد بنی گالہ کے باہر کے باہر چسپاں کردیا گیا ہے۔نیب کی جانب سے جاری کئے گئے نوٹس میں کہا گیا ہے کہ آپ نے 5 قیمتی گھڑیاں اور ایک آئی فون رکھا،آئی فون قطر کے چیف آف سٹاف نے 2018 میں دیا،سعودی پرنس شہزادہ محمد بن سلمان نے رولیکس گھڑی،کف لنکس کا ایک جوڑا اور ایک انگوٹھی بھی دی،سعودی شہزادے نے آپ کو بغیر سلا پینٹ کوٹ کا کپڑا بھی دیا،یہ تحائف آپ کو 18 ستمبر 2020 کو ملے،آپ کو 18 قیراط سونے اور ہیرے کا ایک قلم بھی ملا،انگوٹھی اور کف لنکس مکہ کی پینٹنگ بھی ملی،مکہ ٹائم پیس کے سپیشل ایڈیشن کی گھڑی بھی دی،آپ ڈھائی بجے سوک سینٹر جی سکس کے دفتر تحقیقات کیلئے پیش ہوں۔
