جیل بھرو تحریک کا اصل مقصد کیا ہے؟رانا ثناءاللہ نے ایسی بات کہہ دی کہ پی ٹی آئی قیادت غصے سے لال پیلی ہو جائے

اسلام آباد(وقائع نگار خصوصی)وفاقی وزیر داخلہ رانا ثناءاللہ نے” جیل بھرو تحریک“ میں خواتین اور غریب کارکنوں کی گرفتاری سے گریز کی ہدایت کرتے ہوئے کہا ہے کہ ” جیل بھرو تحریک “کا اصل مقصد ڈراما رچا کر میڈیا کی توجہ حاصل کرنا ہے۔
”پاکستان ٹائم “ کے مطابق وفاقی وزیر داخلہ رانا ثنا اللہ کی زیر صدارت امن و امان کی صورتحال سے متعلق اجلاس ہوا۔جس میں پاکستان تحریک انصاف(پی ٹی آئی) کی ”جیل بھرو تحریک“ کے تناظر میں امن و امان کی صورتحال پر تفصیلی بریفنگ دی گئی۔اجلاس میں پی ٹی آئی کی جیل بھرو تحریک کے تناظر میں امن و امان کی صورتحال ہر حال میں یقینی بنانے کا فیصلہ کیا گیا۔اجلاس میں فیصلہ کیا گیا کہ امن وامان کی صورت حال کو ہر صورت یقینی بنایا جائے گا اور قانون توڑنے والوں کو گرفتار کیا جائے گا۔اس موقع پر رانا ثناءاللہ کا کہنا تھا کہ” جیل بھرو تحریک “کا اصل مقصد ڈرامہ رچا کر میڈیا کی توجہ حاصل کرنا ، امن وامان کی صورتحال متاثر کرنا اور سیاسی عدم استحکام پیدا کرنا ہے،قانون توڑنے والوں کے خلاف شواہد اکٹھے کرکے عوام کے سامنے لائے جائیں اور شواہد سامنے لاکر قانون شکنوں کا اصل چہرہ بے نقاب کیا جائے، خواتین اور غریب کارکنوں کی گرفتاری سے گریز کیا جائے۔انہوں نے کہا کہ قانون توڑنے والوں کو گرفتار کیا جائے گا، امن دشمنوں کا ریکارڈ رکھا جائے اور اسے ان کے کیریکٹر سرٹیفکیٹ میں واضح کیا جائے گا۔