کراچی(سٹاف رپورٹر)ملک بھر میں گیس کے بڑھتے ہوئے بحران کے پیش نظر سندھ میں تمام سی این جی سٹیشنز کل صبح 8 بجے سے 72 گھنٹوں کیلئے بند رہیں گے
”پاکستان ٹائم “کے مطابق گیس بحران سے پہلے گھروں میں گیس کی طویل بندش کی گئی اب سی این جی سٹیشنز بھی گیس لوڈ منیجمنٹ کی زد میں آ گئے۔ سندھ میں سی این جی سیکٹر کی گیس بندش کا شیڈول جاری کردیا گیا ہے۔سوئی سدرن گیس کمپنی کے مطابق گیس سپلائی میں کمی پر لوڈ مینجمنٹ پلان کے تحت سی این جی سیکٹر کو گیس کی سپلائی بند کی جارہی ہے۔سندھ میں سی این جی اسٹیشن کو 72 گھنٹوں کیلئے گیس سپلائی معطل رہے گی۔شیڈول کے تحت جمعہ 24 فروری کو صبح 8 بجے بند ہونے والے سی این جی سٹیشنز 27 فروری پیر کی صبح 8 بجے دوبارہ کھلیں گے۔
