لندن(خصوصی رپورٹ)چائے کے شوقین افراد کے لیے ایک نئی تحقیق میں خوشخبری سناتے ہوئے بتایا گیا ہے کہ چائے یا کافی پینے کے نتیجے میں انسانی مجموعی صحت پر بے شمار فوائد سمیت فالج اور دماغی مرض ’ڈیمینشیا‘ کا خطرہ کم ہو جاتا ہے جبکہ نئی تحقیق میں بتایا گیا ہے دن میں بلیک ٹی کے دو یا دو سے زائد کپ پینے سے صحت بھی ٹھیک رہتی ہے اور عمر بھی طویل ہوجاتی ہے۔
”پاکستان ٹائم “ کے مطابق اینالزآف انٹرنل میڈیسن میں شائع ہونے والی تحقیق میں بتایا گیا ہے کہ دن میں بلیک ٹی کے دو یا دو سے زائد کپ پینے سے صحت بھی ٹھیک رہتی ہے اور عمر بھی طویل ہوجاتی ہے۔اس تحقیق میں 40 سے 69 سال کی عمر کے تقریباً 5 لاکھ مرد اور خواتین کا جائزہ لیا گیا تھا جو چائے کا شوق رکھتے تھے۔ہمارے ملک میں بہت کم ہی افراد ایسے ہیں، جو ’بیلک ٹی‘ پیتے ہیں لیکن یہ تحقیق برطانوی شہریوں پر کی گئی جہاں باقاعدگی کے ساتھ بلیک ٹی کا استعمال کیا جاتا ہے۔ کچھ شائق تو ایسے بھی ہیں جو دن میں 10 کپ چائے کے پی لیتے ہیں۔سروے کے تقریباً 10 برس بعد یہ بھی پتہ چلا کہ جو افراد وقفے سے روزانہ دو یا دو سے زیادہ کپ چائے پیتے تھے وہ دل کی بیماری سمیت فالج جیسے خظرناک بیماری سے بھی محفوظ رہتے ہیں۔آپ اس بات پردکھی ہورہے ہوں گے کہ ہم تو بلیک ٹی پیتے ہی نہیں، تو فکر کی کوئی بات نہیں تحقیق میں مزید یہ بھی بتایا کہ دودھ چینی والی سے صحت کو کوئی خاص نقصان نہیں پہنچتا البتہ چینی کی مقدارکو ذرا کم ہی رکھیں۔یاد رہے کہ برطانوی ماہرین سے قبل چائنہ کی مشہور ’تیان جن میڈیکل یونیورسٹی‘ کے زیر اہتمام چائے پر کی جانے والی تحقیق کے مطابق چائے یا کافی پینے کے نیتجے میں فالج اٹیک کے خطرات کم اور فالج کے بعد پیش آنے والی دماغی کمزوری کی صورتحال ’ڈیمینشیا‘ کا خطرہ کم ہو جاتا ہے۔اس تحقیق میں تقریباً 50 سال سے 74 سال کی عمر کے درمیان صحت مند 3 لاکھ 65 ہزار سے زیادہ رضاکاروں کا بغور جائزہ لیا گیاتھا ، اس تحقیق میں رضاکاروں کو 2006 سے 2010 تک فہرست میں شامل کیا گیا جو کہ 2020 تک اس تحقیق کا حصہ بنے رہے۔تحقیق میں شامل رضاکاروں نے کافی اور چائے کے استعمال سے متعلق سائسندانوں کو خود اپنا چائے اور کافی پینے سے متعلق ڈیٹا فراہم کیا۔اس تحقیق کے دوران 3 لاکھ 65 ہزار سے زائد رضاکاروں میں سے 5079 افراد ڈیمینشیا اور 10 ہزار 53 کو کم از کم ایک بار فالج اٹیک ہوا۔تحقیق کے نتائج کے مطابق روزانہ 2 سے 3 کپ کافی، 3 سے 5 کپ چائے یا 4 سے 6 کپ کافی اور چائے دونوں کا استعمال فالج یا ڈیمینشیا کے خطرات کم کر سکتا ہے۔تحقیق کے نتیجے میں یہ بات سامنے آئی کہ روزانہ 2 سے 3 کپ چائےیا کافی پینے والے افراد میں فالج کے اٹیک کا خطرہ 32 فیصد اور ڈیمینشیا کا خطرہ 28 فیصد تک کم ہوجاتا ہے۔محققین کے مطابق اس تحقیق کے نتائج سے یہ نتیجہ اَخذ کیا گیا ہے کہ بڑی عمر کے افراد میں اعتدال میں رہتے ہوئے کافی یا چائے کا استعمال مہلک بیماری (بڑی عمر کے افراد کو زیادہ لاحق ہونے والی بیماری) فالج اور ڈیمینشیا کا خطرہ واضح کم کر دیتا ہے۔
