کراچی(کرائم رپورٹر)سندھ حکومت کی اسلحہ ساتھ لے کر چلنے پر پابندی سیکیورٹی گارڈ کمپنیز کے لیے درد سر بن گئی، ساو¿تھ زون پولیس نے اسلحہ لے کر چلنےوالے سیکیورٹی گارڈز کے خلاف 30 مقدمات درج کرلیے۔
’پاکستان ٹائم ‘ کے مطابق پاکستان سیکیورٹی ایجنسیز ایسوسی ایشن (ایپسا) نے سندھ پولیس کی جانب سے اسلحہ ساتھ لے کر چلنے پر 30سیکیورٹی گارڈز کے خلاف درج مقدمات پر شدید احتجاج کیا ہے ۔سکیورٹی ایجنسیز ایسوسی ایشن نے اپنے عملے کے خلاف درج ہونے والے مقدمات کے ردعمل میں سندھ حکومت کو اہم شخصیات سے نجی کمپنیز کی فراہم کردہ سیکیورٹی واپس لینے کی دھمکی دے دی ہے، ایسوسی ایشن نے انسپکٹر جنرل (آئی جی) سندھ کو خط لکھ کر تحفظات سے آگاہ کرتے ہوئے کہا ہے کہ پولیس نوٹی فکیشن کو نظر انداز کر کے نجی گارڈز کو گرفتار کر رہی ہے، نجی سیکیورٹی کمپنیاں سفارت کاروں سمیت غیر ملکیوں اور دیگر کو گارڈز فراہم کرتی ہیں، نوٹی فکیشن کے برخلاف گرفتاریاں کرنی ہیں تو بتادیں تاکہ کمپنیز کو آگاہ کرسکیں۔ اس حوالے سے ڈی آئی جی ساو¿تھ عرفان بلوچ نے بتایا کہ چند روز کے دوران کراچی ساو¿تھ زون میں 30 سے زائد مقدمات درج کئے گئے ہیں، نوٹی فکیشن کے مطابق پولیس اور قانون نافذ کرنے والے ادارے پابندی سے مستثنیٰ ہیں، لائسنس یافتہ سیکیورٹی کمپنیز کے باوردی گارڈز ہتھیار لے کر چل سکتے ہیں۔انہوں نے بتایا کہ ایپسا خط کے تناظر میں پولیس نے حکمت عملی تبدیل کی ہے۔
