اسلام آباد(سٹاف رپورٹر)الیکشن کمیشن آف پاکستان(ای سی پی) نے کیپٹل سٹی پولیس آفیسر( سی سی پی او) لاہور غلام محمود ڈوگر ٹرانسفرکیس میں فریق بننے کےلئے سپریم کورٹ سے جوع کرلیا ہے۔
”پاکستان ٹائم “ کے مطابق الیکشن کمیشن نے سپریم کورٹ میں دائر درخواست میں غلام محمود ڈوگر ٹرانسفرکیس میں فریق بننے کی استدعا کرتے ہوئے کہا ہے کہ الیکشن کمیشن کو5 رکنی بینچ میں زیرالتواءکیس میں پارٹی بنایا جائے، الیکشن کمیشن آئینی ادارہ ہے اور صاف شفاف انتخابات کرانا ادارے کی ذمہ داری ہے لیکن افسران کی ری شفلنگ کے بغیرشفاف انتخابات کا انعقاد ممکن نہیں۔الیکشن کمیشن نے عدالت عظمیٰ میں دائر درخواست میں کہا ہے کہ پنجاب اور خیبرپختونخوا انتخابات کیلئے چیف سیکرٹری کو خطوط لکھے ہیں، جس میں چیف سیکرٹری کو تمام افسران کی ری شفلنگ کا کہا گیا ہے۔
