کراچی(سٹاف رپورٹر) پاکستان تحریک انصاف نے 17مارچ سے سندھ بچاوتحریک چلانے کا اعلان کردیا ۔
پاکستان ٹائم کے مطابق پی ٹی آئی سندھ کے صدر وسابق وفاقی وزیر علی زیدی کا کہنا ہے کہ موجودہ حالات پر سندھ کے عوام کو جگائیں گے زرداری مافیا کے خلاف کھڑا کرکے شکست سے دو چار کریں گے، پی ڈی ایم والے ڈاکو ہیں ، ہم اس سے بات نہیں کرنا چاہتے 100 وزرا کی ٹیم نااہلوں کاٹولہ ہے۔
علی زیدی کا مزید کہنا تھا کہ پی ڈی ایم زرداری صاحب نے بنائی تھی خریدو فروخت کرنےکےبادشاہ ہیں حکومت تبدیل کرنے میں سب سے بڑا ہاتھ زرداری کاہےھم ڈاکوسے بات نہیں کرنا چاہتے عمران خان پر قائم مقدمات سیاسی ہیں، سابق وفاقی وزیرکاکہناتھاکہ تین ہزار ایک سو پولیس والوں میں سے سولہ سواہلکاروں آئی پیز کی ڈیوٹی کررہےہیں کسی کی دھمکیوں میں آنے والے نہیں ہم جہاد کررہے ہیں، زرداری لوگوں کی زمینوں پر قبضے میں ملوث ہیں آج پورے سندھ کو اکٹھےہونےکی ضرورت ہے الیکشن کمیشن کو دھمکیاں دی جارہی ہیں، سابق وزیراعلی سندھ لیاقت جتوئی نے کہا کہ زراعت کے 30بلین ہیلتھ کا بجٹ کہاں گیا کوئی بتانے اور پوچھنے والا نہیں ہے، علی زیدی کا کہنا تھا کہ کہ سندھ میں 6روزہ مہم کے بعد رمضان کے بعد دوبارہ مہم کا آغاز کرینگے۔
