سکھر(کورٹ رپورٹر)پاکستان مسلم لیگ ن کی چیف آرگنائزر مریم نواز شریف کے خلاف بغاوت کا مقدمہ درج کرانے کی درخواست عدالت نے خارج کر دی۔
”پاکستان ٹائم “ کے مطابق سکھر کی سیشن عدالت نے سینئر نائب صدر مسلم لیگ ن مریم نواز شریف کے خلاف بغاوت کا مقدمہ درج کروانے کے لیے پاکستان تحریک انصاف(پی ٹی آئی)کے ضلعی صدر کی دائر درخواست خارج کر دی۔مریم نواز کے خلاف بغاوت کا مقدمہ درج کروانے کی درخواست تحریک انصاف کے ضلعی صدر ایڈووکیٹ ظہیر بابر نے دائرکی تھی جس میں موقف اختیار کیا گیا تھا کہ مریم نواز نے سرگودھا میں پاک افواج اور عدلیہ کے خلاف جلسوں میں ہرزہ سرائی کی،مریم نواز کے خلاف قانون کے مطابق کارروائی کی جائے۔ڈپٹی اٹارنی جنرل کا کہنا تھا کہ قانون کے مطابق مقدمے کے لیے درخواست سرگودھا کی عدالت میں ہی دائرکی جاسکتی ہے۔ایڈیشنل اینڈ ڈسٹرکٹ سیشن جج ممتاز سولنگی نے فریقین کے دلائل سننے کے بعد محفوظ کیا گیا فیصلہ سناتے ہوئے مریم نواز کے خلاف بغاوت کا مقدمہ درج کرنے کی درخواست مسترد کر دی۔
