رالپنڈی(سٹاف رپورٹر)ملک بھر میں پاکستان دشمنوں کے خلاف سیکیورٹی فورسز کی بھرپور کارروائیاں جاری ہیں ،تازہ آپریشن میں سیکیورٹی فورسز نے آپریشن کرتے ہوئے 5دہشت گردوں کو جہنم رسید کردیا ہے۔
”پاکستان ٹائم “ کے مطابق شمالی اور جنوبی وزیرستان کے اضلاع میں سیکیورٹی فورسز کے آپریشن میں 5 دہشت گرد ہلاک ہوگئے۔پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی اور جنوبی وزیرستان کے اضلاع میں انٹیلی جنس بیسڈ آپریشن کیا،اور اس دوران شدید فائرنگ کے تبادلے میں 5 دہشت گرد مارے گئے۔آئی ایس پی آر کے مطابق مارے گئے دہشت گردوں کے قبضے سے اسلحہ،گولہ بارود اور بڑی تعداد میں سامان برآمد ہوا ہے۔
