لاہور(کرائم رپورٹر)انسپکٹر جنرل(آئی جی )پنجاب پولیس ڈاکٹر عثمان انور پاکستان تحریک انصاف(پی ٹی آئی)کے مقتول کارکن علی بلال عرف ظل شاہ کے گھر پہنچ گئے،علی بلال کے والد سے ملاقات میں بڑی پیشکش کر دی۔
”پاکستان ٹائم “ کے مطابق آئی جی پنجاب ڈاکٹر عثما ن انور علی بلال کے گھر پہنچ گئے،ان کے والد کو پیش رفت سے آگاہ کیا۔علی بلال کے والد سے ملاقات میں آئی جی پنجاب نے گھر میں موجود سپیشل بچوں کی تعلیم کا ذمہ لینے کی پیشکش کرتے ہوئے تمام تعلیمی اخراجات اٹھانے کا اعلان کر دیا۔آئی جی پنجاب پولیس کا کہنا تھا کہ انصاف کے تمام تقاضے پورے کیے جائیں گے،ظل شاہ کی فیملی کے ساتھ رابطے میں رہیں گے،علی بلال کی فیملی کے کہنے پر ہی مقدمے کا چالان پیش کیا جائے گا۔اس موقع پر علی بلال عرف ظل شاہ کے والد نے کہا کہ بیٹے کی ہلاکت پر کسی کو نامزد نہیں کرنا چاہتا، میں صدمے میں تھا، اس وقت درخواست میں جو نام تھے ان کے بارے نہیں جانتا۔انہوں نے آئی جی پنجاب سے کہا کہ میں کسی کے خلاف کارروائی نہیں کروانا چاہتا، میرے اوپر کوئی دباو¿ نہیں نہ کسی نے پیسے دینے کی بات کی ہے،بس پولیس میرٹ پر تفتیش کرے۔
