اسلام آباد(سٹاف رپورٹر) وفاقی وزیر قانون اعظم نذیر تارڑ کا کہنا ہے کہ ہم عمران خان کو گرفتار کرنے سے گھبرا نہیں رہے بلکہ شہباز شریف نے کہا ہے کہ پہلے انکوائری ہو پھر گرفتاری ہونی چاہیے۔
پاکستان ٹائم کے مطابق پاکستان مسلم لیگ (ن)کے سینئر رہنما اعظم نذیر تارڑ نے اسلام آباد میں میڈیا سے گفتگو کرتے ہوئے کہا کہ عدالت کسی کو بلائے تو اسے پیش ہونا چاہیے، اسلام آباد پولیس عمران خان کو لینے گئی لیکن طاقت کا استعمال نہیں کیا، عمران خان کو خود کو پولیس کے حوالے کرنا چاہیے تھا۔
ان کا کہنا تھا کہ اعلی عدالتیں ترازو کے پلڑے برابر کریں، اگر نظام چلانا ہے تو تمام اداروں کو اپنے اپنے کام کرنے ہوں گے، ججز کو سوشل میڈیا کے دباوسے بالاتر ہو کہ سوچنا چاہیے ، وزیر قانون نے مزید کہا کہ یہ ملک چلے گا تو عمران خان کی سیاست چلے گی، لوگوں کو چور کہنے سے آپ کا دامن صاف نہیں ہو سکتا، سیاست دان بیٹھ کہ بات کریں ملک سنگین معاشی حالات سے گزر رہا ہے۔
