لاہور(سٹاف رپورٹر)پاکستان تحریک انصاف(پی ٹی آئی)کے سربراہ اور سابق وزیر اعظم عمران خان کی بہن علیمہ خان کا عمران خان کی گرفتاری کے معاملے پر بڑا بیان سامنے آ گیا۔
”پاکستان ٹائم“کے مطابق پاکستان تحریک انصاف کے چیئرمین کی ہمشیرہ علیمہ خان نے کہا ہے کہ عمران خان کو گرفتار کرنے کی اجازت نہیں دیں گے،ہمیں اور پاکستان کو عمران خان کی ضرورت ہے۔انہوں نے کہا کہ شہادت سے کون ڈرتا ہے ہم جان دینے کے لیے تیارہیں،فوج اور پولیس والے ہمارے محافظ،ہمیں نہیں ماریں گے۔سارے پاکستان کو معلوم ہے کہ یہ لوگ عمران خان کو مارنا چاہتے ہیں۔ان کا کہنا تھا کہ رانا ثناء اللہ پر بھی مقدمات ہیں،اسے کوئی گرفتار نہیں کر رہا، عمران خان کا گناہ یہ ہے کہ اس نے الیکشن کا مطالبہ کیا ہے،عمران خان ہماری آواز ہے،ہم نے اس کا تحفظ کرنا ہے۔
