شیخوپورہ(وقائع نگار خصوصی)وفاقی وزیر داخلہ اور پاکستان مسلم لیگ ن کے مرکزی رہنما رانا ثنا اللہ خان نے کہا ہے کہ عمران خان گرفتاری سے بھاگ رہا ہے،آج عمران خان کو عدالت کے حکم پر گرفتار کر کے عدالت میں پیش کریں گے۔
”پاکستان ٹائم “ کے مطابق شیخوپورہ میں ن لیگ کے تنظیمی کنونشن سے خطاب کرتے ہوئے رانا ثناء اللہ خان کا کہنا تھا کہ عمران خان ایک فتنہ ہے جو ملک میں افراتفری پھیلانا چاہتا ہے،ہم اس فتنہ اورفساد کو بوتل میں بند کریں گے،عمران نیازی ملک میں انارکی پیدا کرنا چاہتا ہے،اگر اسے ووٹ کی طاقت سے مائنس نہ کیا تو ملک کو کسی حادثے سے دوچار کرے گا، اس کو ایک پراجیکٹ کے طور پر مسلط کیا گیا،اس نے ایک دن بھی ملک کی خدمت نہیں کی،عمران خان اپنے کارکنوں کو کہتا ہے جیلیں بھرو،اس کی اپنی حالت یہ ہے چوہے کی طرح گھر میں چھپا ہوا ہے،عمران خان گرفتار ہونے سے بھاگ رہا ہے،جب بھی ملک میں بحران آیا نواز شریف نے نکالا،انہوں نے پاکستان کو ایٹمی قوت بنایا،جب جب بھی بحران آیا نواز شریف نے ملک کو بحرانوں سے نکالا،نواز شریف پاکستان کو ترقی کی طرف لے کر گئے۔انہوں نے کہا کہ کوئی شک نہیں پاکستان آج مشکل دور سے گزر رہا ہے،مشکلات آئی ایم ایف معاہدے کی وجہ سے ہیں،مشکل اور بحرانوں سے نواز شریف ہی نکال سکتے ہیں،مریم کا ساتھ دیں،فتنے،فساد کو بوتل میں بند کر کے ایسا علاج کریں گے،ملک کو نجات مل جائے گی۔
