عمران خان کو وزیر اعظم بنانے میں شہباز شریف کا کتنا ہاتھ تھا؟ن لیگی صدر کا تہلکہ خیز انکشاف

اسلام آباد(وقائع نگار خصوصی)وزیر اعظم میاں شہباز شریف نے کہا ہے کہ 2018 کے الیکشن سے قبل مجھے وزیر اعظم بنانے کی پیشکش کی گئی،اگر میں انکار نہ کرتا تو عمران خان کبھی وزیر اعظم نہ بنتے۔
”پاکستان ٹائم “ کے مطابق نجی ٹی وی کے پروگرام میں گفتگو کرتے ہوئے وزیر اعظم شہباز شریف کا کہنا تھا کہ 2018 کے انتخابات سے قبل جنرل باجوہ سے میٹنگ ہوئی تھی،جنرل(ر)فیض حمید بھی اس میٹنگ میں موجود تھے،مجھے وزیرا اعظم بنانے کی پیشکش کی گئی،اگر میں انکار نہ کرتا تو عمران خان کبھی وزیر اعظم نہیں بنتے۔میاں شہباز شریف نے کہا عمران خان نے اپنی حکومت میں ہمیں دیوار سے لگانے کی کوشش کی،تحریک انصاف کی حکومت میں اپوزیشن ارکان کو جیلوں میں بھیجا گیا،کیا عمران حکومت میں رانا ثنا اللہ اور دیگر کارکنان کو جیل نہیں بھیجا گیا؟آصف زرداری کی بہن کو چاند رات کو گرفتار کیا گیا تھا،عمران خان جو محنت اپوزیشن کے خلاف کرتا تھا وہ ملک کیلئے کرتا تو بہت ترقی ہوتی،عمران خان نے دوست ملک سے ملنے والی گھڑی بیچ دی، توشہ خانہ میں جعلی رسیدیں جمع کرائیں،آپ قیمت ادا کریں تو قانونی طور پر تحفہ اپنے پاس رکھ سکتے ہیں۔وزیر اعظم کا کہنا تھا کہ عمران خان آج تک گرفتاری سے بچنے کی بھرپور کوشش کر رہا ہے،کبھی بیماری اور کبھی بزرگی کا بہانہ کر رہا ہے،نوازشریف چند دنوں یا چند ہفتوں میں وطن واپس آسکتے ہیں،مجھے پتہ تھا ملک تقریبا دیوالیہ ہو چکا،عمران خان نے عالمی مالیاتی ادارے (آئی ایم ایف) سے جو معاہدہ کیا وہ پیچھے ہٹ گیا تھا۔