ترجمان امریکی محکمہ خارجہ کا عہدے سے سبکدوش ہونے کا اعلان ، بڑی وجہ سامنے آ گئی

واشنگٹن (مانیٹرنگ ڈیسک)ترجمان امریکی محکمہ خارجہ نیڈ پرائس نے اعلان کیا ہے کہ وہ آئندہ ہفتے عہدے سے سبکدوش ہو جائیں گے ۔
پاکستان ٹائم کے مطابق ترجمان محکمہ خارجہ نیڈ پرائس آئندہ ہفتے اسی محکمے میں نیا چارج سنبھالنے کے لیے عہدے سے سبکدوش ہو رہے ہیں، نیڈ پرائس براہ راست امریکی وزیر خارجہ انٹونی بلنکن کے لیے خدمات سرانجام دیں گے، نیڈ پرائس نے 13 مارچ کی سہ پہر نیوز بریفنگ میں صحافیوں کو بتایا کہ ’یہ میری آخری آن کیمرہ بریفنگ ہوگی، میری پہلی بریفنگ 2 فروری 2021 کو ہوئی تھی‘، وہ 17 مارچ تک ٹیلی فونک بریفنگ دیتے رہیں گے۔
نیڈ پرائس نے اس بات کی بھی تصدیق کی کہ وہ محکمہ خارجہ کے لیے کام جاری رکھیں گے، انہوں نے کہا کہ ’میں اس عہدے کو چھوڑنے کے بعد کہیں اور نہیں جا رہا ہوں، میں اس ادارے کو دل کی گہرائیوں سے سراہتا ہوں، میں دل کی گہرائیوں سے ان لوگوں کی تعریف کرتا ہوں جو اسے ادارے کو فعال بناتے ہیں‘۔
نیڈ پرائس اوباما انتظامیہ کے تحت سی آئی اے اور قومی سلامتی کونسل میں بطور ترجمان بھی خدمات سرانجام دے چکے ہیں، انہوں نے بطور پالیسی تجزیہ کار اپنے نئی ملازمت کی نوعیت سے ا?گاہ کرتے ہوئے کہا کہ ’میری نئی ملازمت وہیں ہوگی جہاں سے میرا کیریئر شروع ہوا تھا‘۔