لاہور (سٹاف رپورٹر)انسداد دہشت گردی عدالت (اے ٹی سی) لاہور نے پی ٹی آئی کے کارکن علی بلال عرف ظل شاہ کی موت میں مبینہ طور پر ملوث ہونے کے الزام میں 5 افراد کو جسمانی ریمانڈ پر پولیس کے حوالے کردیا ہے ۔
”پاکستان ٹائم “کے مطابق ریس کورس پولیس لاہور نے ملزمان راجا شکیل، محمد جہانزیب، عمر فرید، محسن شاہ اور اشتیاق کو عدالت میں پیش کر کے جسمانی ریمانڈ کی استدعا کی تھی، تفتیشی افسر نے عدالت کو بتایا کہ ملزمان نے سی آر پی سی کی دفعہ 164 کے تحت اپنے بیانات میں اعتراف کیا کہ پی ٹی آئی کارکن ان کی گاڑی کی ٹکر سے جاں بحق ہوا، انہوں نے کہا کہ تفتیش مکمل کرنے کے لیے ملزمان کا مزید ریمانڈ درکار ہے ، پریزائیڈنگ جج ابحر گل خان نے درخواست منظور کرتے ہوئے ملزمان کا 14 روزہ جسمانی ریمانڈ منظور کرلیا۔
