لاہور(نیوز رپورٹر)پاکستان تحریک انصاف(پی ٹی آئی)کے مرکزی رہنماوں ڈاکٹر یاسمین راشد اور بریگیڈیئر(ر) اعجاز احمد شاہ کی مبینہ آڈیو منظر عام پر آگئی ہے۔
”پاکستان ٹائم “ کے مطابق زمان پارک میں ہونے والے آپریشن کے دوران ہی سوشل میڈیا پر پی ٹی آئی رہنماوں ڈاکٹریاسمن راشد اور انٹیلی جنس بیورو کے سابق سربراہ بریگیڈیئر(ر)اعجاز احمد شاہ کی مبینہ آڈیو وائرل ہو گئی ہے،پی ٹی آئی کے دونوں رہنما اس آڈیو میں پنجابی میں عمران خان کی گرفتاری بارے گفتگو کر رہے ہیں،اس موقع پر یاسمین راشد کا کہنا تھا کہ خان صاحب نے اس وقت کہا ہے کہ سارے ایم این ایز اور ایم پی ایز کو فون کرو۔جس پر سابق وفاقی وزیر داخلہ اعجاز شاہ نے جواب میں کہا کہ ہم کر رہے ہیں،ڈاکٹریاسمین راشد نے عمران خان کی ہدایات دیتے ہوئے کہا کہ عمران خان کہہ رہے ہیں کہ بندے لے کرپہنچیں۔یاسمین راشد نے مزید کہا کہ عمران خان کہہ رہے ہیں ان کوکہو فوری پہنچیں،جو نہیں آئے گا،اسے میں ٹکٹ نہیں دوں گا۔مسلم لیگ ن کے حمایتی صحافیوں اور سوشل میڈیا سیل کی جانب سے اس آڈیو کو خوب وائرل کیا جا رہا ہے۔
