پی ٹی آئی کا اتوار کو مینار پاکستان پر جلسہ،لاہور ہائیکورٹ سے بڑا حکم آ گیا

لاہور (سٹاف رپورٹر) پاکستان تحریک انصاف (پی ٹی آئی ) کے 19 مارچ بروز اتوار کو مینار پاکستان گراونڈ میں ہونے والا جلسہ لاہور ہائیکورٹ نے روک دیا ہے ۔
”پاکستان ٹائم “کے مطابق لاہور ہائیکورٹ میں زمان پارک میں پولیس آپریشن کےخلاف درخواست پرسماعت کے دوران جسٹس طارق سلیم شیخ نے ریمارکس دیے کہ اگر جلسہ کرنا ہے تو 15دن پہلے پلان کریں، خدا کا واسطہ ہے قوم کی زندگی کو چلنے دیں، آپ کی اتوار کو ریلی نہیں ہوگی،کوئی شادی بھی کرتا ہے تو پہلے پلان کرتا ہے۔
خیال رہے کہ تحریک انصاف نے اتوار (19 مارچ) کو مینار پاکستان پر جلسے کا اعلان کر رکھا ہے، تحریک انصاف نے مینارپاکستان جلسے کے لیے انتظامیہ کو درخواست بھی دے رکھی ہے، درخواست میں کہا گیا کہ مینار پاکستان پر دن 2 بجے جلسہ کرنا ہے، اجازت دی جائے، پی ایس ایل میچ کے فائنل کی وجہ سے دن میں جلسہ رکھا گیا ہے۔