لاہور(سٹاف رپورٹر)سوات سے تعلق رکھنے والے پاکستان تحریک انصاف (پی ٹی آئی) کے ورکر محمد اقبال نے کالعدم تنظیم سے تعلق جوڑنے کی مخالفت کرتے ہوئے کہا ہے کہ کسی سرگرمی میں ملوث نہیں ہوں اپنے قائد عمران خان کی کال پر زمان پارک گیا۔
”پاکستان ٹائم “ کے مطابق نگران وزیراطلاعات عامر میر نے انسپکٹر جنرل (آئی جی)پنجاب پولیس کے ہمراہ پریس کانفرنس میں الزام عائد کیا تھا کہ زمان پارک میں کالعدم تنظیم کے لوگ موجود ہیں ،ایک شخص مولانا صوفی محمد کی کالعدم نفاز شریعت محمدی سے تعلق رکھتا ہے اور آٹھ سال جیل میں رہا ہے،یہ آپریشن جب مکمل ہو گا تو اس طرح کے لوگوں کے خلاف کارروائی ہو گی ۔نگران پنجاب حکومت کے اس الزام پر خیبرپختونخوا سے تعلق رکھنے والے تحریک انصاف کے کارکن محمد اقبال نے اپنے اوپر لگائے کے الزامات کو پروپیگنڈہ قرار دیتے ہوئے کہا کہ میں نے 28 اکتوبر 2022 میں پی ٹی آئی میں شمولیت اختیار کی، پارٹی چیئرمین عمران خان کی کال پر کارکن کی حیثیت سے زمان پارک گیا، کسی بھی منفی سرگرمی میں ملوث نہیں، ہمارے خلاف سیاسی چال چلی جارہی ہے۔پی ٹی ورکر محمد اقبال نے مزید کہا کہ یہ نہیں ہوسکتا کہ عمران خان کا ساتھی ہوکر ڈر کر بھاگ جاو¿ں، میں نہ تو جیل سے ڈرتا ہوں اور نہ کسی اور چیز سے، میرے متعلق کالعدم تنظیم کے حوالے سے کیا جانے والا پروپیگنڈہ غلط ہے، جھوٹے الزام کی بھرپور مذمت کرتا ہوں، کالعدم یا کسی بھی دیگر تنظیم سے میرا کوئی تعلق نہیں ہے۔
