لاہور (مانیٹرنگ ڈیسک )پنجاب میں 30 اپریل کو عام انتخابات کے لیے کاغذات نامزدگی جمع کرانے کا عمل مکمل ہو چکا ہے ، جس میں297 حلقوں سے مجموعی طور پر 8 ہزار 422 امیدواروں نے کاغذات نامزدگی جمع کرائے ہیں۔
پاکستان ٹائم نے الیکشن کمیشن آف پاکستان کے حوالے سے بتایا کہ مخصوص نشستوں پر 793 امیدواروں نے کاغذات نامزدگی جمع کرائے، خواتین کی مخصوص نشستوں پر 623 کاغذات نامزدگی جمع کرائے گئے، اقلیتوں کی مخصوص نشستوں پر 170 کاغذات نامزدگی جمع کرائے گئے ہیں۔
الیکشن کمیشن نے صوبے کے مختلف شہروں سے جمع کرائے گئے کاغذات کے بارے میں بتایا کہ اٹک کے 4 حلقوں پر 128 امیدواروں نے کاغذات نامزدگی جمع کرائے، راولپنڈی کے 15 حلقوں پر 499 امیدواروں نے کاغذات نامزدگی جمع کرائے، چکوال کے چار حلقوں پر 100 امیدواروں نے کاغذات نامزدگی جمع کرائے،گجرات کے 7 حلقوں پر 187 امیدواروں نے کاغذات نامزدگی جمع کرائے۔
سیالکوٹ کے 11 حلقوں پر 420 امیدواروں نے کاغذات نامزدگی جمع کرائے، نارووال کے 5 حلقوں پر 143 امیدواروں نے کاغذات نامزدگی جمع کرائے، گوجرانولہ کے 14 حلقوں پر 468 امیدواروں نے کاغذات نامزدگی جمع کرائے، منڈی بہاوالدین کے چار حلقوں پر 107 امیدواروں نے کاغذات نامزدگی جمع کرائے، حافظ آباد کے 3 حلقوں پر 59 امیدواروں نے کاغذات نامزدگی جمع کرائے۔
سرگودھا کے 10 حلقوں پر 279 امیدواروں نے کاغذات نامزدگی جمع کرائے، خوشاب کے 3 حلقوں پر 57 امیدواروں نے کاغذات نامزدگی جمع کرائے، میانوالی کے چار حلقوں پر 82 امیدواروں نے کاغذات نامزدگی جمع کرائے، بھکر کے چار حلقوں پر 66 امیدواروں نے کاغذات نامزدگی جمع کرائے، چنیوٹ کے چار حلقوں پر 68 امیدواروں نے کاغذات نامزدگی جمع کرائے، فیصل آباد کے 21 حلقوں پر 757 امیدواروں نے کاغذات نامزدگی جمع کرائے۔
الیکشن کمیشن نے کہا کہ ٹوبہ ٹیک سنگھ کے 6 حلقوں پر 171 امیدواروں نے کاغذات نامزدگی جمع کرائے، جھنگ کے 7 حلقوں پر 155 امیدواروں نے کاغذات نامزدگی جمع کرائے، شیخوپورہ کے 9 حلقوں پر 234 امیدواروں نے کاغذات نامزدگی جمع کرائے، لاہور کے 30 حلقوں پر 1175 امیدواروں نے کاغذات نامزدگی جمع کرائے، قصور کے 9 حلقوں پر 233 امیدواروں نے کاغذات نامزدگی جمع کرائے، اوکاڑہ کے 8 حلقوں پر 228 امیدواروں نے کاغذات نامزدگی جمع کرائے۔
پاکپتن کے 5 حلقوں پر 122 امیدواروں نے کاغذات نامزدگی جمع کرائے، ساہیوال کے 7 حلقوں پر 166 امیدواروں نے کاغذات نامزدگی جمع کرائے، خانیوال کے 8 حلقوں پر 165 امیدواروں نے کاغذات نامزدگی جمع کرائے، ملتان کے 13 حلقوں پر 353 امیدواروں نے کاغذات نامزدگی جمع کرائے، لودھراں کے 5 حلقوں پر 107 امیدواروں نے کاغذات نامزدگی جمع کرائے، ویہاڑی کے 8 حلقوں پر 206 امیدواروں نے کاغذات نامزدگی جمع کرائے۔
الیکشن کمیشن کی جانب سے جاری بیان کے مطابق بہاولنگر کے 8 حلقوں پر 223 امیدواروں نے کاغذات نامزدگی جمع کرائے، بہاولپور کے 10 حلقوں پر 191 امیدواروں نے کاغذات نامزدگی جمع کرائے، رحیم یار خان کے 13 حلقوں پر 297 امیدواروں نے کاغذات نامزدگی جمع کرائے، مظفرگڑھ کے 12 حلقوں پر 332 امیدواروں نے کاغذات نامزدگی جمع کرائے۔
واضح رہے کہ اس سے قبل الیکشن کمیشن آف پاکستان نے 8 مارچ کو 30 اپریل بروز اتوار پنجاب میں صوبائی اسمبلی کے عام انتخابات کے لیے شیڈول جاری کر دیا تھا۔الیکشن کمیشن پاکستان کی جانب سے جاری شیڈول کے مطابق امیدوار 12 مارچ سے 14 مارچ تک کاغذات نامزدگی جمع کرا سکتے ہیں، تاہم بعد ازاں الیکشن کمیشن نے کاغذات نامزدگی جمع کرانے کی مدت میں 2 روز کی توسیع کرتے ہوئے 16 مارچ کردی تھی۔
