لاہور(وقائع نگار)پاکستان ڈیمو کریٹک موومنٹ(پی ڈی ایم )حکومت نے کم آمدن غریب عوام کیلئے 50 روپے فی لیٹرتک پیٹرولیم ریلیف پیکیج کا اعلان کردیا ہے۔
”پاکستان ٹائم“ کے مطابق وزیراعظم شہباز شریف کی زیر صدارت کم آمدن پٹرولیم صارفین کے لئے پٹرولیم ریلیف پیکج پر جائزہ اجلاس لاہور میں منعقد ہوا۔اجلاس میں وفاقی وزیر خزانہ اسحاق ڈار،وزیراعظم کے مشیر احمد چیمہ، وزیر مملکت برائے پٹرولیم ڈاکٹر مصدق ملک، وزیراعظم کے معاون خصوصی طارق باجوہ، ، سیکرٹری خزانہ، سیکرٹری پٹرولیم اور دیگر اعلی حکام نے شرکت کی۔ڈاکٹر مصدق ملک نے اجلاس کو کم آمدن افراد تک پیٹرولیم سبسڈی کی فراہمی کی حکمت عملی پر بریفنگ دی۔اجلاس میں فیصلہ کیا گیا کہ اجلاس میں کم آمدن غریب عوام کیلئے 50 روپے فی لیٹر تک پٹرولیم ریلیف پیکیج دیا جائے گا۔ وزیراعظم شہباز شریف نے موٹر سائیکل،رکشہ اور 800 سی سی تک کی گاڑیوں کے لئے پٹرول پر فی لیٹر 50 روپے سبسڈی دینے کا اعلان کرتے ہوئے ہدایت کی ہے کہ کم آمدن غریب عوام کیلئے پٹرولیم سبسڈی میں موٹر سائیکل، رکشہ،کے علاوہ 800 سی سی سمیت دیگر چھوٹی گاڑیاں استعمال کرنے والے تمام کم آمدن صارفین کو شامل کیا جائے۔وزیراعظم میاں شہباز شریف کی جانب سے کیے جانے والے اعلان کے تحت پیٹرولیم سبسڈی موٹر سائیکل اور رکشہ چلانے والوں کو ملے گی۔حکومتی اعلان کے تحت 800 سی سی سمیت دیگر چھوٹی گاڑی استعمال کرنے والے تمام کم آمدن صارفین بھی اعلان کردہ پیکج میں شامل ہیں۔میاں شہباز شریف کے مطابق پیٹرولیم سبسڈی کیلئے 50 روپے فی لیٹر تک کی رقم مختص کی جائے، پیٹرولیم سبسڈی کا عملی پروگرام جلد از جلد مکمل کیا جائے۔وزیراعظم شہباز شریف نے ہدایت کی ہے کہ پیٹرولیم سبسڈی پر موثر عمل درآمد کیلئے جامع حکمت عملی مرتب کریں، یپٹرولیم سبسڈی براہ راست غریب عوام کے ریلیف کا باعث بنے گی۔میاں شہباز شریف کے مطابق حکومت شدید معاشی مشکلات کے باوجود غریب عوام کی ہر ممکن مدد کیلئے کوشاں ہے۔
