لاہور(سٹاف رپورٹر )نگران وزیراعلیٰ پنجاب محسن نقوی کا کہنا ہے کہ حکومتی رٹ قائم کرنے کیلئے پولیس کو فری ہینڈ دے دیا ہے ، یہ نہیں ہو گا کہ پولیس والوں کو گالیاں بھی دو اور کہو کہ سیکیورٹی بھی دو ۔
”پاکستان ٹائم “کے مطابق لاہور میں پریس کانفرنس کرتے ہوئے نگران وزیراعلیٰ پنجاب محسن نقوی کا کہنا تھا کہ پولیس کی طرف جو ہاتھ بڑھائےگا توڑ دیا جائےگا، گزشتہ 5 سے 7 دنوں میں ہونے والے واقعات پر جے آئی ٹی بنانے کا فیصلہ کیا ہے،کسی کو حق نہیں کہ پولیس پر الزامات لگائے۔
اگرکسی کو آئی جی اور ڈی پی او پر اعتماد نہیں تو پولیس کی سکیورٹی واپس کر دیں، سیاسی سرگرمی کی اجازت ہے، یہ نہیں ہوگا کہ پولیس والوں کوگالیاں دو اورکہو کہ سکیورٹی بھی دو۔
