لاہور (سٹاف رپورٹر )پاکستان کرکٹ بورڈ (پی سی بی) کے مطابق پاکستان اور نیوزی لینڈ کرکٹ بورڈ کے درمیان سیریز کے شیڈول میں تبدیلی پر بات چیت کی گئی ہے اور دونوں بورڈز نے شیڈول تبدیلی پر رضامندی ظاہر کر دی ہے ۔
”پاکستان ٹائم “ کے مطابق پی سی بی کی جانب سے پنجاب میں صوبائی انتخابات کے حوالے سے نیوزی لینڈ کرکٹ بورڈ سے شیڈول میں تبدیلی پر بات کی گئی جس پر دونوں بورڈز میں اتفاق ہو گیا ہے ، نئے شیڈول کے مطابق نیوزی لینڈ کی ٹیم اب پہلے لاہور آئے گی پھر کراچی اور آخر میں راولپنڈی میں میچز ہوں گے ، اس سے قبل جاری کیے گئے شیڈول میں سیریز کا آغاز کراچی سے ہونا تھا اور پھر لاہور اور اختتام راولپنڈی میں تھا۔
شیڈول کے مطابق لاہور میں 3ٹی ٹوئنٹی میچز 14 ، 15 اور 17 اپریل کو ہوں گے، راولپنڈی میں 2 ٹی ٹوئنٹی میچز 20 اور 24 اپریل کو کھیلے جائیں گے اور راولپنڈی میں ہی پہلا ون ڈے میچ 26 اپریل کو ہو گا۔
پی سی بی کا کہنا ہے کہ ون ڈے میچز سے پاکستان ٹیم کو ایشیا کپ اور ورلڈکپ کی تیاریوں کا موقع ملے گا،ٹی ٹوئنٹی ورلڈکپ 2024 کے لیے ٹیم کو ری بلڈ کرنے کے عمل کو معاونت بھی ملے گی۔ذرائع کا کہنا ہے کہ شیڈول میں تبدیلی پنجاب میں صوبائی انتخابات کی وجہ سے کی گئی ہے۔
