اسلام آباد(مانیٹرنگ ڈیسک ) حکومت کی جانب سے افغان شہریوں کی نقل وحرکت سے متعلق پالیسی تیار کرلی گئی ہے، جس کے تحت افغان باشندوں کی نقل و حمل تھانوں میں اندراج سے مشروط کر دی گئی ہے۔
پاکستان ٹائم کے مطابق وزارت داخلہ کے ذرائع کا کہنا ہے کہ افغان باشندوں کی نقل و حرکت تھانوں میں اندراج سے مشروط کردی گئی ہے، افغان باشندوں کو صوبوں اور ایک شہر سے دوسرے شہر جانے کے لیے انٹری کرانا لازم ہوگا، افغان باشندوں کو متعلقہ تھانے کو پہلے آگاہ کرنا ہوگا، ساتھ ہی نئے شہر جانے کا مقصد اورپتے سے بھی تھانے کو آگاہ کرنا ہوگا۔
تمام افغان باشندوں کا ڈیٹا ایک ہی جگہ جمع کیا جائے گا، بارڈر پر انٹری کے نظام کو موثر بنایا جائے گا، ویزا یا رہائشی اجازت نامے کی مدت ختم ہونے پر افغان باشندوں کو واپس جانا ہوگا۔
