لاہور(ویب ڈیسک)پاکستان تحریک انصاف نے الیکشن کمیشن کی جانب سے انتخابات ملتوی کرنے کا فیصلہ سپریم کورٹ میں چیلنج کرنے کا اعلان کیا ہے۔یہ اعلان پی ٹی آئی کے مرکزی سیکریٹری جنرل اسد عمر اور پارٹی کے ہیڈ آف میڈیا افیئرز فواد چودھری نے مشترکہ پریس کانفرنس سے خطاب کرتے ہوئے کیا۔سابق وفاقی وزیر اسد عمر نے کہا انتخابات ملتوی کر کے ا?ئین کی دھجیاں اڑائی گئیں، الیکشن کمیشن کا فیصلہ ا?ئین اور سپریم کورٹ کے فیصلے کے متصادم ہے، الیکشن کمیشن کا انتخابات ملتوی کرنے کا فیصلہ چیلنج کیا جائے گا۔
”پاکستان ٹائم “کے مطابق سابق وفاقی وزیر اسد عمر نے کہا انتخابات ملتوی کر کے آئین کی دھجیاں اڑائی گئیں، الیکشن کمیشن کا فیصلہ ا?ئین اور سپریم کورٹ کے فیصلے کے متصادم ہے، الیکشن کمیشن کا انتخابات ملتوی کرنے کا فیصلہ چیلنج کیا جائے گا۔
اسد عمر نے کہا پارلیمنٹ میں خواہش کا اظہار کیا گیا، چند گھنٹوں بعد الیکشن کمیشن کا فیصلہ آگیا، الیکشن کمیشن کا فیصلہ آئینی اور قانونی نہیں ہے، صدر کی جانب سے الیکشن کا اعلان کیا جا چکا ،الیکشن کمیشن تبدیل نہیں کر سکتا۔
سابق وفاقی وزیر فواد چودھری نے پریس کانفرنس سے خطاب کرتے ہوئے کہا الیکشن کمیشن کے فیصلے کیخلاف سپریم کورٹ جا رہے ہیں، سپریم کورٹ بار نے بھی الیکشن کمیشن کے فیصلے کو مسترد کیا ہے، وکلا کی جو تحریک ہو گی پی ٹی ا?ئی ان کے ساتھ کھڑی ہو گی۔
انہوں نے کہا اندھیرا اتنا ہو چکا ہے کہ اس کے بعد سورج ا?ئے گا ہی ا?ئے گا، کل پتا چلا ہے کہ انہوں نے پارلیمنٹ میں جو کیا وہ سپریم کورٹ پر حملہ تھا، اعظم نذیرتارڑ کو اپنا نام شیطان کے وکیل رکھ لینا چاہیے، پورا پاکستان مطالبہ کر رہا ہے کہ الیکشن کمیشن کے پانچوں ممبرز پر آرٹیکل 6 لگنا چاہیے، ہم کل فیصلے کیخلاف سپریم کورٹ میں جائیں گے اورامید ہے سپریم کورٹ سے فیصلہ آئے گا۔
فواد چودھری نے کہا ہفتے کی رات کو لاہور میں جلسہ کریں گے، عمران خان نے پہلے ہی بتا دیا تھا کہ مجھ پر حملہ ہو گا، پنجاب حکومت نے عمران خان کے معاملات دیکھنے کیلئے جے آئی ٹی تشکیل دی ہے، پنجاب حکومت کی جانب سے جے آئی ٹی کی تشکیل خوش آئند ہے، ہم اپنے خدشات جے آئی ٹی کے ساتھ شیئر کریں گے۔
انہوں نے کہا ہم الیکشن کیلئے ہر وقت تیار ہیں، 30 اپریل کو پنجاب میں الیکشن ہونے ہیں، ہم ایک بھر پور عوامی اور سول سوسائٹی کی مہم کیلئے تیار ہیں، پاکستان کے ا?ئین کی حفاظت سپریم کورٹ اور عوام نے کرنی ہے، سپریم کورٹ کے ججز پر دباو¿ ڈالا جا رہا ہے، سپریم کورٹ کے ججز کیخلاف ایک مہم چلائی جا رہی ہے، کرورڑوں لوگ سپریم کورٹ اور ججز کے ساتھ کھڑے ہیں، 30 اپریل کے بعد پنجاب حکومت اور کابینہ کی کوئی حیثیت نہیں رہے گی۔
