لاہور(ویب ڈیسک) آئی جی پنجاب عثمان انور نے کہا ہے کہ چیئرمین پی ٹی آئی عمران خان کے قتل کی کوئی منصوبہ بندی نہیں کی گئی، پولیس پر اب گولیاں چلائی گئیں تو اس کا جواب گولی سے دیا جائے گا۔ الزامات کی تحقیقات کی جائے میں ہر جگہ پیش ہونے کے لیے تیار ہوں۔
”پاکستان ٹائم “کے مطابق پولیس لائنز میں خطاب کے دوران انہوں نے کہا کہ پولیس والے قصور وار نکلے تو سزا دیں گے جبکہ عمران خان کا الزام جھوٹ پر مبنی ہے، چیئرمین پی ٹی آئی کے پولیس پر لگائے گئے الزام میں کوئی صداقت نہیں ہے۔تحقیقات میں پولیس والے قصور نکلیں تو سزا دیں ورنہ الزام لگانے والوں کو سزا دی جائے۔
انہوں نے کہا کہ عمران خان کے ہر سطح پر الزام کا سامنا کریں گے۔آئی جی پنجاب نے پولیس اہلکاروں کو کہا کہ پولیس پر حملہ کرنے والوں کو پسپا ہی نہیں کرنا بلکہ ان کا قلع قمع کرنا ہے۔
