اسلام آباد(وقائع نگار خصوصی)پاکستانی معیشت کے لیے برادر دوست ملک چائنہ سے اچھی خبر آگئی ہے،دوست ملک نے دو ارب ڈالر کا قرضہ رول اوور کردیا ہے جو عالمی مالیاتی ادارے( آئی ایم ایف) سے معاہدے کی جانب اہم پیش رفت ہے۔
”پاکستان ٹائم “ کے مطابق دیرینہ دوست ملک چین سے پاکستان کی معیشت کے لیے اچھی خبر آگئی ہے،جس کے مطابق چین نے 2 ارب ڈالر کا قرض رول اوور کر دیا ہے،چین کا یہ اقدام آئی ایم ایف کے ساتھ سٹاف لیول معاہدے کی جانب اہم پیش رفت ہے۔ذرائع وزارت خزانہ نے بتایا ہے کہ چین نے دو ارب ڈالر کے قرض کی ادائیگی رول اوور کر دی ہے۔اس نے سیف ڈیپازٹس کی واپسی ایک سال کے لیے موخر کی ہے۔ذرائع کے مطابق آئی ایم ایف سے معاہدے کیلیے ایکسٹرنل فنانسنگ کی تصدیق ضروری ہے اور اس کے لیے جلد سعودی عرب اور متحدہ عرب امارات کی جانب سے بھی فنانسنگ کی بھی امید ہے۔وزارت خزانہ کے ذرائع نے یہ بھی بتایا کہ اسی ماہ چین سے مزید 30 کروڑ ڈالر بھی پاکستان آنے ہیں جس کے بعد اسی ماہ ملکی زرمبادلہ کے ذخائر 5 ارب ڈالر سے بڑھنے کی امید ہے۔
