لاہور(کرائم رپورٹر)پاکستان تحریک انصاف (پی ٹی آئی)کے مرکزی رہنما اورسابق گورنر پنجاب عمر سرفراز چیمہ محکمہ اینٹی کرپشن کے ریڈار پر آ گئے ۔
”پاکستان ٹائم“ کے مطابق محکمہ اینٹی کرپشن نے سابق گورنر پنجاب اور رہنما تحریک انصاف عمر سرفراز چیمہ کو 25 مارچ کو طلب کر لیا۔عمر سرفراز چیمہ پر الزام ہے کہ انہوں نے بہن کو غیر قانونی طور پر وراثت میں حصہ دلوایا۔ فاطمہ سرفراز چیمہ کی ڈاکٹر ظہیر صفدر سے 2013 میں طلاق موثر ہو گئی تھی۔طلاق ہونے کے کاغذات یونین کونسل والٹن میں جمع کروائے گئے تھے۔عمر سرفراز چیمہ نے حلف لینے کے 7روز بعد ہی سابق بہنوئی کی وراثت کا انتقال درج کروایا۔محکمہ اینٹی کرپشن کے عائد کردہ الزام کے تحت عمر سرفراز چیمہ نے بطور گورنر اختیارات کا غلط استعمال کیا تھا۔
