اسلام آباد(سٹاف رپورٹر)وزیراعظم شہباز شریف نے ایک مرتبہ بار متحدہ قومی موومنٹ (ایم کیو ایم) پاکستان کو تحفظات دور کرنے کی یقین دہانی کرادی۔
”پاکستان ٹائم “ کے مطابق اسلام آباد میں وزیراعظم شہباز شریف سے ایم کیو ایم پاکستان وفد کی ملاقات ہوئی، وفد میں خالد مقبول صدیقی اور وفاقی وزیر انفارمیشن ٹیکنالوجی (آئی ٹی) امین الحق شامل تھے جب کہ بیٹھک میں وفاقی وزیر ایاز صادق بھی شریک ہوئے۔ملاقات میں ایم کیو ایم وفد نے وزیراعظم کو سپریم کورٹ پریکٹس اینڈ پروسیجر بل کی منظوری پر مبارکباد پیش کی اور مردم شماری، کراچی کے مسائل سے آگاہ کیا۔وفد نے وزیرِ اعظم کو مردم شماری کے حوالے سے اپنے تحفظات اور کراچی کے مسائل کے بارے آگاہ کیا جس پر شہباز شریف نے متحدہ کے تمام تحفظات کو دور کرنے اور ان کے مسائل حل کرنے کے لیے فوری ہدایات جاری کیں۔
