لاہور(کورٹ رپورٹر )لاہور ہائی کورٹ نے پاکستان تحریک انصاف (پی ٹی آئی)کے رہنما ڈاکٹرشہباز گل کو 4 ہفتوں کے لیے امریکہ جانے کی اجازت دے دی۔
”پاکستان ٹائم “ کے مطابق لاہور ہائی کورٹ میں ڈاکٹر شہباز گل کا نام ای سی ایل میں شامل کرنے کے خلاف درخواست پر سماعت ہوئی۔چیف جسٹس لاہور ہائی کورٹ کی سربراہی میں 3 رکنی فل بینچ نے درخواست پر سماعت کی۔عدالت نے شہباز گل کو ایک مرتبہ بیرون ملک سفر کی اجازت دے دی۔لاہور ہائی کورٹ نے شہباز گل کا نام ای سی ایل میں شامل کرنے پر وفاقی حکومت سے جواب طلب کر لیا۔
