کراچی(ویب ڈیسک) لیاری ایکسپریس وے گارڈن انٹرچینج گڈلک شادی ہال کے قریب نامعلوم ملزمان کی کار پر فائرنگ سے ماہر امراض چشم ڈاکٹر بیربل گینانی جاں بحق جبکہ ان کے ہمراہ سوار لیڈی ڈاکٹرزخمی ہوگئیں۔، مقتول ڈاکٹر بیربل ماہر امراض چشم تھے اور وہ لیمارکیٹ میں قائم مشہور ا?نکھوں کے مشہور اسپینسر ا?ئی اسپتال کے سربراہ کی حیثیت سے اپنی خدمات بھی انجام دے چکے ہیں۔
”پاکستان ٹائم “کے مطابق لیاری ایکسپریس وے گارڈن انٹرچینج گڈلک شادی ہال کے قریب موٹر سائیکل سوار ملزمان نے سفید رنگ کی آلٹو وی ایکس آر کار پر اندھا دھند فائرنگ کر دی اور موقع سے فرار ہوگئے۔
واقعہ کے بعد لوگوں کی بڑی تعداد جمع ہوگئی اور فوری طور پر پولیس اور امدادی رضا کاروں کو ا?گاہ کیا گیا، فائرنگ سے کار میں سوار 60 سالہ ڈاکٹر بیربل جاں بحق جبکہ ان کے ہمراہ کار میں موجود لیڈی ڈاکٹر 32 سالہ قرةالعین زخمی ہوگئیں۔
ابتدائی معلومات کے مطابق مقتول کے ایم سی کے سابق ڈائریکٹر میڈیکل اینڈ ہیلتھ سروسز بھی رہے چکے ہیں، موقع پر موجود ایس پی جمشید کوارٹر زبیر تنولی نے بتایا کہ مقتول ڈاکٹر بیربل گینانی رامسوامی میں اپنا پرائیوٹ کلینک چلا رہے تھے اور وہ اپنی رہائش گاہ گلشن اقبال جانے کے لیے لیاری ایکسپریس وے گارڈن انٹرچینج کو استعمال کرتے تھے اور گزشتہ روز بھی افطار کے بعد اپنا کلینک بند کر کے گھر جانے کے لیے نکلے اور گارڈن چوک سے لیاری ایکسپریس وے کی جانب جا رہے تھے کہ اس دوران موٹر سائیکل سوار ملزمان نے انھیں فائرنگ کا نشانہ بنایا۔
پولیس کے مطابق 2 گولیاں مقتول کے سر پر لگیں جو جان لیوا ثابت ہوئیں جبکہ وقوعہ سے نائن ایم ایم پستول کے خول ملے ہیں۔ ایس ایس پی سٹی عارف عزیز نے بتایا کہ واقعہ سے متعلق کچھ بھی کہنا ابھی قبل از وقت ہوگا لیکن شبہ ہے کہ ڈاکٹر بیربل کو ریکی کے بعد فائرنگ کا نشانہ بنایا گیا ہے جبکہ فوری طور پر فائرنگ کی وجہ کا تعین نہیں ہوسکا۔
ڈاکٹر بیریل کے ہمراہ کار میں سوار زخمی لیڈی ڈاکٹر قر?العین نے ابتدائی تفتیش کے دوران بیان دیا ہے کہ وہ گزشتہ 10 برس سے ڈاکٹر بیربل کے ساتھ کام کر رہی ہیں۔
انہوں نے بتایا کہ ہم رنچھوڑ لائن رامسوامی کی جانب سے پاک کالونی کی جانب جا رہے تھے کہ اچانک میری آنکھوں کے سامنے سے چنگاریاں گزریں اس دوران مجھے گولی لگی جبکہ ڈاکٹر بیریل کو دیکھا تو ان کے سر سے خون نکل رہا تھا۔
لیڈی ڈاکٹر نے بتایا کہ اس دوران میں گاڑی کا اپنی جانب کا دروازہ کھول کر شور مچایا جس کے بعد لوگ وہاں جمع ہوگئے، مقتول ڈاکٹر بیربل کی بیٹی سپنا نے اسپتال میں بتایا کہ میرے بابا بہت نیک اور شریف آدمی تھے اور میں اس وقت شدید قرب میں مبتلا ہوں اور چاہتی ہوں سب میرے والد کی مغفرت کی دعا کریں۔
