لاہور(شوبز رپورٹر ) غزل اور لوک کے نامور گلوگار شوکت علی کو ہم سے بچھڑے 2 برس بیت گئے ہیں ، دنیائے موسیقی کا ایک بڑا نام شوکت علی 1944 میں لاہور میں اندرون بھاٹی گیٹ میں پیدا ہوئے۔
”پاکستان ٹائم “کے مطابق 5سے زائد دہائیوں پر محیط اپنے موسیقی کے سفر کے دوران آنجہانی گلوکارشوکت علی نے کئی پاکستانی فلموں کے لیے گیت گا کر عالمگیر شہرت حاصل کی ، شوکت علی پہلی مرتبہ196کی دہائی شہرت کی بلندیوں پر اس وقت پہنچے جب انہوں نے اس وقت کی مشہور فلم 30مار خان کے لیے اپنی آواز پیش کی۔
شوکت علی نے1965اور 1971میں پاکستان اور انڈیا کے درمیان ہونے والی جنگ کے دوران ملی نغمے بھی گائے، انکے نغمے جاگ اٹھا ہے سارا وطن سن کر آج بھی جوش و ولولہ پیدا ہوجاتا ہے، شوکت علی نے موسیقی کی تقریبا تمام تر اصناف میں اپنی آواز کو کامیابی سے آزمایا، ان کے گائے چھلے کو تو خاصا پسند کیا گیا، انہوں نے اردو میں بھی کافی فلموں کیلئے گانے اور غزلیں وغیرہ گائیں لیکن وہ زیادہ مشہور پنجابی کے صوفی کلام کے لیے تھے۔شوکت علی کو حکومت کی طرف سے صدارتی ایوارڈ برائے حسن کارکردگی سمیت متعدد ایوارڈز سے نوازا گیا، اپنے وقت کے عظیم گلوکار 2 اپریل 2021 کو اس دار فانی سے رخصت ہو گئے۔
