اسلام آباد(وقائع نگار)وفاقی وزیر اطلاعات اور پاکستان مسلم لیگ ن کی مرکزی ترجمان مریم اورنگزیب نے کہا ہے کہ بہتر ہوتا لاڈلے کو شیروانی پہنا کروزیر اعظم ہاوس میں بٹھا دیتے،قوم کاوقت اور پیسہ تو بچ جاتے۔
”پاکستان ٹائم“ کے مطابق سپریم کورٹ کے فیصلے پر ردعمل دیتے ہوئے وفاقی وزیر اطلاعات مریم اورنگزیب نے کہا کہ اکثریتی ججوں کے مسترد کردہ مقدمے میں فیصلہ غیر آئینی ہے،آئین پر انا کاحاوی ہونا ملک کیلئے مہلک ثابت ہوتا ہے، ناقابل عمل حکم سے سیاسی و آئینی بحران مزید گہرا ہو گا،فیصلہ سپریم کورٹ کے ججوں کی اکثریت کے فیصلوں کے متصادم ہے، 2017میں نواز شریف کی نااہلی کے غیر آئینی فیصلے کاخمیازہ عوام بھگت رہے ہیں،جب سازش بے نقاب ہوتی ہے تو دیر ہو چکی ہوتی ہے،6 سال بعد پھر سہولت کاری قبول نہیں ہے۔
