واشنگٹن ، لاہور(وقائع نگار )امریکی رکن کانگریس بریڈ شرمین کی جانب سے چیئرمین پاکستان تحریجک انصاف( پی ٹی آئی) کے سربراہ اورسابق وزیر اعظم عمران خان سے رابطہ کیا گیا ہے۔
”پاکستان ٹائم“ کے مطابق چیئرمین پی ٹی آئی، سابق وزیر اعظم عمران خان سے امریکی رکن کانگریس بریڈ شرمین نے ٹیلی فون پر بات چیت کی ہے۔امریکی رکن کانگریس بریڈ شرمین نے اس حوالے سے بتایا ہے کہ ان کی عمران خان سے سپریم کورٹ کے گزشتہ روز کے فیصلے پر گفتگو ہوئی ہے۔بریڈ شرمین نے یہ بھی بتایا کہ عمران خان نے ڈاکٹر آصف محمود سے بھی بات کی ہے۔واضح رہے کہ گزشتہ ماہ بھی امریکی کانگریس کی خارجہ امور کمیٹی کے سینئر رکن بریڈ شرمین سے پاکستان تحریک انصاف کے چیئرمین، سابق وزیر اعظم عمران خان کی ٹیلی فون پر گفتگو ہوئی تھی جبکہ دو روز قبل برطانوی ہائی کمشنر نے وفد کے ہمراہ زمان پارک پہنچ کر عمران خان سے تفصیلی گفتگو کی تھی ۔
