رحیم یارخان(کرائم رپورٹر)انسپکٹر جنرل(آئی جی) پنجاب پولیس ڈاکٹر عثمان انور نے کہا ہے کہ کچے میں ڈکیتوں ہی نہیں، ملک دشمن عناصر کا صفایا بھی کرنے جا رہے ہیں۔
”پاکستان ٹائم“ کے مطابق آئی جی پنجاب پولیس ڈاکٹر عثمان انور نے ڈی پی او آفس میں پریس بریفنگ میںکچے کے علاقے میں ایک بڑے اور سخت پولیس آپریشن کی اطلاع دیتے ہوئے کہا کہ کچے میں صرف ڈکیت ہی نہیں بلکہ ملک مخالف لوگ بھی موجود ہیں، کچے میں سخت آپریشن ہونے جا رہا ہے، جس کا مقصد کچے ہی کا نہیں ملکی سلامتی کے خلاف کام کرنے والوں کا صفایا کرنا ہے،کچے میں ملک دشمن عناصر بھی موجود ہیں، اس وقت بلوچستان، سندھ اور پنجاب پولیس آپریشن کر رہی ہے،دوران آپریشن کچے میں جانی نقصان کا خطرہ ہے، کوشش کریں گے کم سے کم ہو، جب گولی چلتی ہے تو نقصان تو ہوتا ہے، اونچ نیچ بھی ہوتی ہے۔انھوں نے کہا کہ 11 ہزار نفری منگوائی ہے اس میں تمام سیکیورٹی ادارے ساتھ ہیں، اس میں سی ٹی ڈی ،سپیشل برانچ اور دیگر ایجنسیوں نے کال ڈیٹا نکالا ہے، کل پرسوں اہم خبر کے لیے تیار رہیے گا،ہم نے کچے میں چوکیاں بنائی ہیں، 6 ڈاکوو¿ں کو گرفتار کیا ایک مارا گیا، ایک پولیس اہل کار زخمی ہوا، اگر کوئی ڈاکو ہتھیار ڈالنا چاہے تو ٹھیک ہے ورنہ جو ہوگا وہ تو ہوگا، ڈاکوو¿ں کے سہولت کاروں کے خلاف بھی کارروائی ہو گی ۔انھوں نے بچوں کو بازیاب کرانے والے پولیس افسر کے لیے 12 لاکھ کا اعلان بھی کیا، اور کہا کہ موٹر وے کو بھی محفوظ بنایا جائے گا۔
