کراچی (سٹاف رپورٹر )پاکستان پیپلز پارٹی کے اہم رہنما ایاز مہر اور ان کے ڈرائیور کے اغوا کا مقدمہ ڈیفنس تھانے میں درج کرلیا گیا ہے۔پاکستان ٹائم کے مطابق مقدمہ الزام نمبر 221/2023 مغوی ایاز احمد کے بھائی جاوید احمد کی مدعیت میں 365/34 کے تحت درج کیا گیا ہے۔ایف آئی آر میں کہا گیا ہے کہ ایاز احمد اور ان کے ڈرائیور غلام علی کو 10 اپریل کو ان کی ریوو گاڑی سمیت اغوا کیا گیا۔مقدمے کے متن میں بتایا گیا ہے کہ ایاز احمد گیس اور آئل کا بزنس کرتے ہیں،ان کی کسی سے کوئی دشمنی نہیں ہے۔پیپلز پارٹی رہنما ایاز مہر کی بازیابی کے لیے جمعہ کے روز سندھ ہائی کورٹ میں درخواست بھی دائر کر دی جائے گی۔
