لاہور(کرائم رپورٹر )جلاؤ گھیراؤ کے مقدمے میں پولیس نے پاکستان تحریک انصاف(پی ٹی آئی)کے چیئرمین اور سابق وزیر اعظم عمران خان کو بے قصور قرار دے دیا۔
’’پاکستان ٹائم‘‘ کے مطابق انسداد دہشتگردی عدالت لاہور میں ظل شاہ،جلاؤ گھیراؤ اور پولیس تشدد کے مقدمات سے متعلق سابق وزیر اعظم عمران خان کی تینوں عبوری ضمانتوں پر سماعت ہوئی۔عمران خان کے وکیل نے جلاؤ گھیراؤ کے مقدمے سے عبوری ضمانت واپس لے لی۔جے آئی ٹی سربراہ نے کہا کہ جلاؤ گھیراؤ کے مقدمے میں عمران خان کی گرفتاری مطلوب نہیں۔وکیل عمران خان نے کہا کہ ہم نے تفتیش جوائن کر لی ہے۔فاضل جج نے ریمارکس دیئے کہ حمیدا کمہار اور عمران خان کے درمیان کوئی فرق نہیں ہے،جو ریلیف عمران خان کو دوں گا وہی حمیدا کمہار کو دوں گا، میرے لیے دونوں برابر ہیں۔
