اسلام آ باد (سٹاف رپورٹر ) وفاقی وزیراورترجمان پیپلزپارٹی پارلیمنٹیرینزشازیہ مری نے کہا ہے کہ عمران نیازی کیلئے غیرملکیوں کی تڑپ بھی سوالیہ نشان ہے،تخت لاہور کیلئے وفاق کوتختہ مشق بنانے کے مضر اثرات مرتب ہوں گے۔
”پاکستان ٹائم“ کے مطابق ایک بیان میں شازیہ مری کا کہنا تھا کہ پنجاب اسمبلی ایک شخص کی جھوٹی انا کیلئے توڑی گئی تھی،پنجاب اسمبلی کو اپنا مینڈیٹ پورا نہ کرنے دینا غیر جمہوری عمل تھا،صرف پنجاب میں وقت سے قبل انتخابات ملکی و حدت خطرے میں ڈالنے کے مترادف ہے۔وفاقی وزیر کا کہنا تھا کہ پنجاب میں انتخابات میں شکست کے بعد عمران نیازی نتائج تسلیم نہیں کریں گے،عمران نیازی کیلئے غیر ملکیوں کی تڑپ بھی سوالیہ نشان ہے،اتحادی حکومت عمران نیازی کی بچھائی بارودی سرنگیں صاف کررہی ہے،پورے ملک میں ایک ہی دن انتخابات کرانے سے سیاسی استحکام آئے گا۔
