لاہور(کورٹ رپورٹر)لاہور ہائیکورٹ نے نگران وزیر اعلی پنجاب محسن نقوی کی تقرری درست قرار دے دی۔
پاکستان ٹائم کے مطابق عدالت عالیہ نے نگران وزیر اعلی پنجاب کی تقرری کیخلاف درخواستوں پر تحریری فیصلہ جاری کر دیا،عدالت نے نگران وزیر اعلی پنجاب محسن نقوی کی تقرری درست قرار دے دی،تحریری فیصلے میں کہا گیا ہے کہ نگران وزیر اعلی پنجاب کی تقرری میں کوئی غیر قانونی اقدامات نہیں ہوئے،نگران وزیر اعلی کی تقرری آئین کے مطابق ہوئی،نگران وزیر اعلی کی تقرری کے خلاف شیخ رشید سمیت دیگر کی درخواستوں کو خارج کیا جاتا ہے،یاد رہے کہ سابق وفاقی وزیر داخلہ شیخ رشید احمد نے نگران وزیر اعلی پنجاب سید محسن نقوی کی تقرری کے خلاف لاہور ہائیکورٹ سے رجوع کیا تھا۔
