اسلام آبا(وقائع نگار)ماہر معاشی امور اور وزرات خزانہ کے سابق ترجمان ڈاکٹر نجیب خاقان نے کہا ہے کہ مرکزی بینک حکومتی اجازت کے بغیر کسی ادارے کو پیسے جاری نہیں کرسکتا۔
”پاکستان ٹائم“ کے مطابق معروف معاشی ماہر ڈاکٹر نجیب خاقان کا کہنا ہے کہ اگرچہ مرکزی بینک ایک خودمختار ادارہ ہے لیکن وہ حکومتی اجازت کے بغیر پیسے کسی ادارے کو جاری نہیں کر سکتا،سٹیٹ بینک کے پاس موجود حکومت کا پیسہ ہوتا ہے اسے فیڈرل کنسولیڈیٹڈ فنڈ کہا جاتا ہے اور یہ وزیر خزانہ کے دستخط کے بنا جاری نہیں ہو سکتے۔انھوں نے بتایا کہ اس وقت ملک میں زیرو بوروئنگ کی پالیسی ہے اس لیے سٹیٹ بینک کسی ادارے کو ادھار بھی جاری نہیں کر سکتا۔واضح رہے کہ سپریم کورٹ کی جانب سے اسٹیٹ بینک کو پنجاب اسمبلی کے الیکشن کے لیے 21 ارب روپے جاری کرنے کے حکم دیا گیا ہے۔
