اسلام آباد(سٹاف رپورٹر) چیئرمین پاکستان تحریک انصاف وسابق وزیر اعظم عمران خان کے چیف آف سٹاف سینیٹر شبلی فراز کے گھرپر پولیس نے ایک اور چھاپہ مارا ہے تاہم ان کے گھر پر موجود نہ ہونے باعث پولیس کو خالی ہاتھ لوٹنا پڑا۔
‘’’پاکستان ٹائم کے مطابق پولیس نے سینیٹر شبلی فراز کے گھر پر چھاپہ مارا ،گھرپر موجود نہ ہونے کے باعث ان کی گرفتاری عمل میں نہیں لائی جا سکی ۔سینیٹر شبلی فراز نے مائیکرو بلاگنگ ویب سائٹ پر اپنی رہائشگاہ پر چھاپہ مارنے والوں کی تصویر جاری کرتے ہوئے لکھاکہ گزشتہ شب کچھ بن بلائے مہمانوں نے میری رہائشگاہ کا رخ کیا،میں گھر موجود نہیں تھا،چنانچہ ان مہمانوں سے ملاقات نہ ہو سکی۔سینیٹر شبلی فراز کا کہنا تھا کہ اس سیاہ دور سے قوم کو کوئی چھٹکارہ دلوا سکتا ہے تو وہ سپریم کورٹ ہے،ان کو خوف ہے اگر عمران خان دوبارہ آ گیا تو ہماری خیر نہیں۔
