لاہور(سٹاف رپورٹر)پاکستان تحریک انصاف(پی ٹی آئی)کے مرکزی رہنما سینیٹر اعجاز چوہدری کی مبینہ آڈیو لیک ہو گئی ،سینیٹر اعجاز چوہدری پارٹی ٹکٹ کے خواہشمند چوہدری حفیظ کو سابق وزیر اعظم عمران خان سے ملاقات کے لئے پارٹی فنڈز میں ایک کروڑ سے زائد رقم دینے کی ترغیب دے رہے ہیں ۔
”پاکستان ٹائم “ کے مطابق پی ٹی آئی کے سینئر رہنما اعجاز چودھری اورتحریک انصاف کے ٹکٹ کے خواہشمند شخص چودھری حفیظ کی مبینہ آڈیو لیک ہوگئی، جس میں انکشاف ہوا ہے کہ عمران خان سے ٹکٹ کےلیے ملاقات کا ریٹ ایک کروڑ روپے جبکہ شوکت خانم کے لیے چندے کی کوئی حد نہیں۔آڈیو لیک میں ایک شخص کہتا ہے کہ میں چودھری حفیظ بول رہا ہوں نواب شاہ والا اسلام آباد سے،اعجاز چوہدری کہتے ہیں۔۔جی۔۔چودھری حفیظ نامی شخص کہتا ہے کہ میں نے آپ سے ذکر کیا تھا رانا شوکت صاحب کے لئے ،ہمیں پی پی 114 کا ٹکٹ چاہیے۔اعجاز چودھری کہتے ہیں کہ۔۔اچھا جی۔۔ چودھری حفیظ کہتاہے کہ وہ آپ نے بتایا نہیں کہ چندہ کتنا ہوگا؟ٹکٹ اور پارٹی کے پیسے کتنے ہوں گے؟جواب میں اعجاز چوددھری نے کہا ،دیکھو ہمارے ہاں چندے کی کوئی حد نہیں،وہ جس دن آئیں تو چیئرمین سے کہیں کہ میں اتنا ڈونیشن دینا چاہتا ہوں تو ہم انہیں ملوا دیں گے۔جس پر چودھری حفیظ نامی شخص کہتا ہے کہ، چلو ٹھیک ہے۔۔۔ساتھ ہی اعجاز چودھری کہتے ہیں کہ دس ملین سے اوپر ہونا چاہیے جس سے چیئرمین سے ملاقات ہوسکے۔ جس پر چودھری حفیظ کہتا ہے کہ دس سے اوپر یعنی ایک کروڑ؟۔۔۔ اعجازچودھری کہتے ہیں، ہاں ایک سے اوپر۔اس کے بعد چودھری حفیظ پوچھتاہے کہ پارٹی کی ٹکٹ کے سر کتنے ہیں؟ اعجاز چودھری کہتے ہیں ،پارٹی کے لیے ،اچھا پارٹی کے لئے۔۔ چودھری حفیظ پوچھتا ہے کہ اچھا سر شوکت خانم کے لئے کتنا؟جس پر اعجاز چودھری کہتے ہیں شوکت خانم کے لیے آپ جو دینا چاہو ،وہ آپ کی مرضی ہے۔جس پرچودھری حفیظ نامی شخص کہتا ہے کہ جی بالکل دیں گے اورسرروزوں سے پہلے انہیں بلاوں یا بعد میں،جس پراعجاز چودھری نے کہانہیں، نہیں، نہیں ، آج کل میں ہی ٹکٹ دے رہے ہیں اگر ٹکٹ لینا ہے توآج کل میں ہی۔
